Seruna ulin manggal (mainan gangsing tradisional kayu)

Bentuk panggal pikeun ulin nu leuwih seru

Timimiti ramena aplikasi smartphone jeung lobana kaulinan dina komputer, mangka kaulinan baheula (tradisional) geus loga di popohokeun, padahal lamun di cobaan teu kaelehkeun ramena ku kaulinan nu mantak rieut sirah, atawa nu mantak ngaruksak titingalian, jeung efek sejen-sejena deui.

Kaulinan panggal lamun dihirupan deui asa loba manfaatna; salain rame-rame jeung babaturan, manggal leuwih sehat, sabab ngaluarkeun tanaga sahingga bisa jadi kagiatan olahraga. salianti kitu oge manggal bisa pikeun ngalatih mental, kumaha urang ulin bisa meunang, nahan emosi, nahan ambih teu gampang kasinggung jeung nusejena, kadang-kadang langsung eleh, oge berjuang kumaha carana bisa aya di posisi nu dianggap paling luhur.

Panggal nyaeta hiji kaulinan nu di reka tina tangkal kai, Ukuran panggal nyaimbangkeun kana ukuran betahna nu rek ngagunakeun kana eta panggal; biasana saukuran diameter 4-6 cm panjang na sakira 8 - 10 cm.

Pikeun ulin nu leuwih seru, tiap tungtung panggal, naha tungtung hulu panggal atawa tungtung buntut panggal di pakuan, gunana ambih teu gampang dempes (tumpul), oge lamun lamun di tojokeun kana panggal lawan ngarah nepika ngaruksak panggal lawan, bisa potong hulu panggal lawan atawa deklok alatan keuna ku paku.

Cara ngaulinkeun panggal nyaeta ku diputerkeun make tali nu rada seuseut, bisa tina areuy geureung, atawa tali rapia nu dirara (dipilin) kawas tambang atawa nu sejena samodel kabel buleud nu leuleus.

Muterna panggal nu saperti gambar diluhur, bisa muter ti dua tungtung, nyaeta muter jungkir (dimana hulu panggal nu jadi alasna) oge muter nangkarak sok di sebut muter nangkar, nyaeta bagean awak panggal nu beulah handapna. Cara nga ulinkeun panggal:

Cara Rarajaan

Cara ngaulinkeun panggal rarajaan biasana sababaraha pamaen panggal sok tuktukbrung, nyaeta kucara muterkeun panggal bari babarengan, di itung tina itungan 1, 2, 3 ... terus sarerea pamaen babarengan muterkeun panggal, tujuan nana, pikeun neangan saha nu pengheulana eureun muter, nepika nu eureun muter pang pandeurina, dimana nu muter pangheulana eta jadi level pang handap na, sedengkeun nu pang pandeurina eta numiboga level pang luhurna; istilah-istilah dina level ti handap neupika luhur nyaeta; Level pang handapna (nu pang heulana eureun muter panggalna) di sebut kutik, saterusna level sanggeus kutik nyaeta pangais kutik, sanggeus level pangais nyaeta disebut pangais deui nepika level 3 terakhir, sedengkeun nu ka tilu terakhir di sebut kuncung, patih, sarta nu pang luhuna disebut level raja. Cara rarajaan sok jadi rame lamun pamaen panggal leuwih ti duaan, sedengkeun lamun pamaen panggal ngan saukur duaan atawa tiluan, maka cara ngaulinkeun panggal bisa;

Cara Totojoan/ Tutujon

Cara tutujon nyaeta diulinkeun ku cara giliran, lamun saurang pamaen muterkeun panggal kucara "ngahatur" pangheulana, saterusna nu saurang deui nojo kana eta panggal, engke di balikeun nu asalna nojo jadi nu bagean ngahatur (muterkeun panggal tanpa nojo)

Cara Palila-lila muter (Puputeran)

Cara puputeran panggal mah nyaeta kucara muterkeun panggal babarengan terus saha nu eureun pangheulana eta nu eleh, nu pang pandeurina eta nu juara, tujuan nana iyeumah pikeun neangan juara lila muter.



Dina salila manggal, lamun awahan manggal na dina taneuh, mangka kadang-kadang panggal muter dina taneuh nu teuas, kodong dina taneuh nu hipu, mangka salila panggal muter dina taneuh nu hipu, panggal gampang eureun, kukituna pamaen kaci wae lamun mindah-mindah panggalna make tali ambih pindah kana taneuh nu teuas, ambih bisa muter leuwih lila.